Padyshim dasma e Armina Mevlanit dhe Shkëlzen Berishës mbrëmjen e djeshme (25 shtator) mund të konsiderohet si dasma e vitit.
Kanë bërë xhiron e rrjeteve sociale videot dhe fotot nga festa e dyshes së njohur. Përpos familjarëve, figurave publike edhe shumë personazhe VIP kanë marrë pjesë në këtë ceremoni.
Armina sidomos u kujdes të organizonte çdo gjë deri në detaj, duke përfshirë edhe atmosferën. Ndër këngëtarët që ndezën festën me muzikën e tyre ishte edhe Eranda Libohova.
Kjo e fundmit ka ndarë në Instagramin e saj një foto ku tregon veshjen që kishte zgjedhur për këtë event. Këngëtarja ishte veshur kokë e këmbë me të bardha, gjë e cila ka mërzitur shumë ndjekësit e saj.
Ato i kanë kujtuar këngëtares “mitin” që ekziston, që atë ditë askush përveç nuses nuk duhet të vesh të bardha.
Eranda nuk ka hezituar t’u kthejë përgjigje një për një të gjithë komentuesve, duke u shprehur se nuk i ndjek këto rregulla, ose edhe duke i ironizuar teksa thotë që me xhaketë nuk ngjante si nuse.
Më herët, Armina ka zbuluar se ajo dhe Shkëlzeni e duan vjeshtën dhe kjo është arsyeja që vendosën që dasmën ta bëjnë në shtator.
Moderatorja e njohur, Armina Mevlani është një figurë shumë e dashur për publikun shqiptar. Ajo shpesh preferon që të komunikojë me ndjekësit e saj dhe më heret, bukuroshja ka vendosur që t’u përgjigjet pyetjeve të ndjekësve të saj.
Pyetjet më së tepërmi lidhen me marrëdhënien e saj të dashurisë me Shkëlzenin.
Pyetja: Çfarë të tërhoqi nga Zeni që i keni rezistuar kaq shumë lidhjes?
“Që në momentin e parë që e kam parë, jam tërhequr pa e ditur fare kush ishte… më pas me kalimin e kohës tek ai gjeta shumë gjëra. Ndajmë të njëjtat këndvështrime për jetën, na pëlqejnë të njëjtat rutina, jemi romantikë, ëndërrimtarë, nëse na lë bashkë kemi gjithmonë diçka për të folur dhe koha kalon shumë shpejt. Plotësojmë njëri-tjetrin gjithmonë. Tek ai kam gjetur një partner në çdo gjë”, theksoi ajo.
