Këngëtari i njohur i muzikës rock, Renis Gjoka, ka treguar një episod të pakëndshëm që i ka ndodhur në një nga mbrëmjet e muzikës live.
I ftuar në emisionin “Thumb” me Aulonën dhe Fatmën, ai është pyetur edhe për eksperienca të ndryshme nga koncertet, për jetën personale si dhe për projektet e reja.
Këngëtarit i është kërkuar që të tregojë një rast të çuditshëm që i ka ndodhur në një koncert “live”.
“Isha duke kënduar në skenë dhe u rrëzova pasi e kisha tepruar me pijen. Në ato momente ikën dhe dritat dhe unë isha shtrirë në skenë. Pasi erdhën dritat pjesëtarët e bandës ishin duke më folur për t’u ngritur, pasi mua më kishte zënë gjumi”, ka treguar Renisi.
