Moderatorja Rudina Dembacaj është siguruar që vogëlushja e saj, Viktoria “akullorja”, të jetë e lumtur sapo të hapë sytë në mëngjes.
Me rastin e festës së fëmijëve, 1 qershorit, Rudina ka përgatitur surpriza të këndshme për të voglën e saj, e cila sot është llastuar në maksimum.
Moderatorja i ka dhuruar Viktorias lodrat e saj të preferuara, kukullat, ndërsa në InstaStory ka ndarë një video ku vogëlushja luan plot ëndje me to.
Jo vetëm kaq! Rudina e ka surprizuar të bijën edhe me një biçikletë dhe një monopat në ngjyrë rozë dhe duket se e mësuam me ç’do ta kalojë tashmë kohën e lirë vajza e saj.
Për më tepër, moderatorja ka menduar që 1 qershori të jetë gjithashtu një ditë relaksi për Vikin.
Për këtë arsye, ajo do ta çojë në një SPA për fëmijë, që ajo të marrë të gjitha trajtimet si një zonjushë e vogël.
