Jeta për Jonida Vokshin ndryshoi totalisht, pasi ajo solli në jetë fëmijën e saj të parë, vogëlushen e quajtur Emi.
Si aktorja, ashtu edhe partneri i saj Besnik Krapi, janë dedikuar totalisht pas bebushes e cila është tashmë kuptimi i jetës së tyre.
Ditën e djeshme janë bërë 4 muaj nga ardhja e saj në jetë dhe Jonida nuk ngurroi të ndajë në Instagram një foto të ëmbël, ku shihej e shtrirë krah Emit.
Bashkë me foton, aktorja i shkruan të bijës fjalët më të ëmbla të dashurisë.
E vogla ime u bë 4 muajshe sot! 4 muajt më të bukur të jetës sime! Të do mama shumë, Emushe!
Emi erdhi në jetë në muajin qershor dhe mesa na ka treguar Jonida në intervista do bëhet në të ardhmen motër e madhe, sepse çifti ka ndërmend të shtojë familjen.
Në 14 shtator të vitit që lamë pas, moderatorja i dha fund beqarisë me partnerin e saj, Besnik Krapi.
Dyshja mbajti një ceremoni madhështore në një resort në Malin e Robit, ku ishin të pranishëm miq e familjarë.
