Nëse jeni mes atyre njerëzve që e kanë zakon të vonohen, pavarësisht sesa shumë mundohen, mund të keni një arsye më të thellë dhe më të komplikuar, sipas psikoterapistes Philippa Perry.
Në një shkrim për “Guardian”, ajo sqaroi se përse disa prej jush bëhen vazhdimisht vonë për në punë apo për ndonjë takim.
Perri thekson se njerëzit që bëhen vonë zakonisht e nënvlerësojnë gjatësinë e një udhëtimi të caktuar.
Nëse personat e përpiktë mund ti cilësojnë këta persona si të pasjellshëm, psikoterapistja thotë se e vërteta mund të jetë shumë ndryshe.
“Arsyeja mund të jetë e kundërta e arrogancës. Mund të jetë që ata nuk e vlerësojnë mjaftueshëm veten e tyre. Nëse ky është rasti, a janë ata të paaftë të shohin sesi u duket të tjerëve vonesa e tyre? Ky shpjegim mund të funksionojë për situata sociale, por si mund të humbasësh avionin, anijen apo trenin? Ndoshta është një provë e pavetëdijshme e teorisë: ‘Po të isha një person i denjë, treni do të më priste’. Ndjenja për të mos i dhënë rëndësi vetes është e forcuar”.
Por si mund ta ndryshosh një njeri të tillë? Vetëm nëse ai person përkushtohet ta arrijë këtë. Duhet të jetë një vendim i vetëdijshëm!
