Shpesh personazhet e famshëm bëhen pjesë e lajmeve të rreme dhe me të njëjtën gjë është përballur së fundmi edhe reperi Gold Ag. Disa faqe kanë shkruar se ai ka ndërruar jetë e madje kanë shprehur ngushëllime për reperin. Mirëpo Gold Ag nuk i ka shpëtuar ky njoftim dhe ka reaguar menjëherë në rrjete sociale për të qetësuar të gjithë ata që mund të ishin prekur nga lajmi.
Ai ka treguar se ky njoftim është shpërndarë nga disa profile të rreme dhe se e gjithë kjo duhet të jetë bërë për disa klikime më tepër. Gold Ag e ka kaluar situatën me shumë qetësi e ju ka bërë një urim gjithë atyre që “e shpallën të vdekur”.
“Vëllezër e motra jam gjallë. E pashë që disa fëmijë me profile fake kanë komentuar duke shprehur ngushëllime, sikur unë paskam ndërruar jetë. Asaj rruge jemi të gjithë, por për disa like e klikime sot bëhet edhe kjo punë. Uroj të jeni mirë të gjithë e ju që më keni shpallur të vdekur unë nuk ua dëshiroj vdekjen, por jetofshi gjatë e Zoti ju udhëzoftë pa dallim!“, shkruan reperi.
