Emri Princeshë Haya u shfaq në kryeartikujt e mediave muajin e kaluar kur u arratis nga bashkëshorti, sheiku Mohammed Bin Rashid drejt Gjermanisë.
Burime të “DailyMail” treguan dje se arratisja erdhi pasi Mohammed Bin Rashid e kapi bashkëshorten në momente intime me truprojën në shtëpinë e tyre në Londër, kur u kthye pa e lajmëruar për t’i bërë surprizë. Ngjarja ndodhi në maj, pasi ai shkoi në Dubai për të festuar dasmën e tre djemve.
Sipas tregimeve të mikut të miliarderit Mohammed bin Rashid, ai kishte kohë që shqetësohej për marrëdhënien e të shoqes me ish- oficerin e ushtrisë.
Princesha Haya është njëra prej gjashtë grave të sheikut.
“Kur mbërriti në shtëpi, i gjeti në një afërsi të papëlqyeshme.”
Për një muaj, Haya-n e pret një seancë gjyqësore e atij që po konsiderohet “divorci më i kushtueshëm”, ku do të përballet me Mohammad-in për kujdestarinë e dy fëmijëve që kanë bashkë.
Ndërkohë, burime pranë Haya-s thanë se arsyeja pse vendosi të arratisej ishte prej çfarë mori vesh për një tjetër pjestare të familjes së Mohammed bin Rashid, e cila tentoi të arratisej dhe u kthye me forcë.
Një nga vajzat e miliarderit, princesha Latifa, besohet se u kap në mes të rrugës teksa kishte planifikuar të krijonte një jetë të re larg Dubai-t. Latifa tha në një video se e ndaluan me urdhër të të atit.
Besohet se informacionet në lidhje me Latifah-n, princeshës Haya ia ka dhënë truproja i saj, çka ka ngjallur dyshime se akuzat e sheikut mund të jenë një mënyrë për të vrarë me një gur, dy zogj.
