Askush nuk mund ta harrojë të shkuarën, por mund ta fshijë nga rrjetet sociale. Jennifer Lopez ka fshirë çdo gjurmë që kishte mbetur në Instagramin e saj nga ish i fejuari, Alex Rodriguez.
Ky ndryshim, që vjen gati 4 muaj pas ndarjes nga Rodriguez, është vënë re nga fansat që nuk ju shpëton asgjë. Në një kërkim në llogaritë që Lopez ndjek në Instagram, u zbulua se Alex nuk është më pjesë e kësaj liste. Ajo e ka hequr ish-in nga lista e ndjekësve dhe ka fshirë çdo foto që kishin bashkë. Ndërsa Alex vazhdon ende ta ndjekë Jennifer në Instagram.
Mirëpo Jennifer ka vendosur ta mbajë kujtimin e tij në disa postime të tjera. Ajo ka mbajtur në profilin e saj çdo postim që ka pasur si fokus fëmijët e tyre. Alex shihet në një video nga marsi 2020-s me djalin e këngëtares, Max. Gjithashtu Lopez vazhdon të mbajë në profilin e saj foto të vajzave të Alex, Natalie dhe Ella.
Tashmë llogarinë e saj ajo ja ka dedikuar partnerit më të ri, Ben Affleck. Dyshja bën lidhjen e tyre publike pas shumë muajsh thashetheme me rastin e ditëlindjes së Jennifer Lopez. Këngëtarja e hitit “Waiting for Tonight” postoi disa foto nga ditëlindja e saj, ku në njërën prej tyre shihej duke shkëmbyer një puthje në buzë me Affleck. Kështu, Jennifer pranoi publikisht romancën dhe ribashkimin me Ben Affleck afro 20 vite pas ndarjes.
View this post on Instagram
