Mbrëmjen e djeshme nga emisioni investigativ “Stop” në televizionin “Klan” publiku shqiptar u trondit nga videot e publikuara që tregonin mënyrën si trajtoheshin fëmijët në Shtëpinë e Foshnjës në Vlorë.
Kujdestaret e fëmijëve nuk kujdeseshin për ta, përkundrazi rrinin ulur në kolltuk dhe sikur të mos mjaftonte përdornin dhunë fizike dhe verbale duke ju drejtuar fëmijëve me fjalë të tilla si :”Kurvë” , “Debile” , “Idote” etj.
Pas kësaj ngjarjeje tronditëse është marrë menjëherë vendimi për pezullimin e dy kujdestareve në këtë jetimore. Por veç kësaj në Shtëpinë e Foshnjës në Vlorë u zbulua edhe një tjetër skandal i kryer nga vetë drejtoresha e institucionit.
Olta Ganaj u denoncua për abuzim financiar me fondet e institucionit që drejtonte, pasi paguhej 70 mijë lekë që të përdorte makinën personale për nevojat e jetimores, por akoma nuk dihet vendimi për të.
