Një ngjarje e rëndë ka ndodhur në Tiranë, ku një 30-vjeçare ka ndërruar jetë në Sanatorium pasi ishte prekur nga virusi i AH1N1.
E reja sapo kishte bërë lindje të parakohshme dhe kishte sjellë në jetë binjakë, njëri prej të cilëve gjithashtu ka ndërruar në jetë.
Burime nga senatoriumi bëjnë me dije se foshnja tjetër është në gjendje të mirë dhe jashtë rrezikut për jetën.
Gruaja kishte bërë lindje të parakohshme, pasi gjendja e saj ishte rënduar për shkak të virusit të gripit.
Prej javësh në Shqipëri ka nisur apeli për t’u vaksinuar pavarësisht moshës.
Vdekja e nënës 30-vjeçare dhe fëmijës së saj shënojnë numrin 6 të viktimave të prekur nga ky virus.
