Dhuna ndaj kafshëve vijon në vendin tonë! Herë pas here janë denoncuar raste mizore, ku njerëz janë parë teksa i keqtrajtojnë kafshët në mes të rrugës.
Së fundmi një video është publikuar nga JOQ Albania.
Në video shihet qartë se si një qytetar në Fier ka lidhur një qen me litar. Jo vetëm kaq po ai e torturon.
Burri shihet teksa tërheq zvarrë qenin rrugës. Pamja është vërtet e trishtë. Njerëz të tillë, të pashpirt e të papërgjegjshëm, nuk meritojnë që të mbajnë kafshë.
Keqtrajtimi i kafshëve është kthyer në një shqetësim të madh në vendin tonë.
Kujtojmë që më herët një burrë vrau një qen në zonën e Sukthit duke e tërhequr zvarrë me makinë.
Shumë aktivistë reaguan lidhur me ngjarjen më herët.
“Nuk kanë ardhur në pakësim, madje unë do thoja kanë ardhur në shtim, sepse kemi sinjale më të shtuara kohët e fundit, por janë bërë më të zgjuar, për shembull në facebook nuk i kanë grupet e hapura po i kanë të mbyllura, faqet e tyre nuk i kanë më publike i kanë private. Tani ata janë bërë më të zgjuar, por prap se prap ata ndodhin. Kemi sinjale nga pothuajse të gjithë qytetet, kemi marrë sinjale nga Përrenjasi, nga Durrësi, Fieri, Berati, Tirana, në Pukë kemi marrë sinjale që ka ferma ilegale të mbarështimit të qenve, të cilët përdoren ose për shtime ose për luftë me qen”, theksonte më herët Jonel Kristo, aktivist i organizatës Animal Rescue Albania (ARSA)
