Mëngjesin e së dielës, një makinë është përfshirë nga flakët në aksin rrugor Elbasan – Librazhd.
“Ballkanweb” raporton se fatmirësisht nuk ka të lënduar, ndërsa makina është djegur plotësisht. Mësohet se makina, tip “Mitsubishi” me targa AA 396 DJ, i përkiste shtetasit S.M, 31 vjeç, me banim në Tiranë.
Makina ishte pjesë e “autokolonës” së makinave të kruqve që po udhëtonin nga Elbasani drejt Pogradecit, për të marrë nusen. Grupi hetimor ndodhet në vendngjarje dhe po punon për zbardhjen e plotë rrethanave të ngjarjes, por nga hetimet paraprake dyshohet se zjarri ka ardhur si pasojë e një defekti teknik.
