Haxhi, një detyrim fetar për të gjithë myslimanët, është një prej grumbullimeve më masive në botë dhe vetëm në ceremoninë e këtij viti, marrin pjesë mbi 1.8 milion pelegrinë.
Në të kaluarën është raportuar për katastrofa vdekjeprurëse, përfshirë ikjet e rrëmujshme dhe zjarret nëpër tenda, por këtë vit sfidë kryesore ka qenë i nxehti.
Ditët e fundit, termometri ka shënuar deri në i 46 gradë Celsius, duke bërë që ritualet që duhet të kryhen në këmbë në ambiente të jashtme, të jenë tepër sfiduese, sidomos për të moshuarit.
Pelegrinët myslimanë u nisën në agimin e së shtunës për të shënuar Arafa, ditën më të rëndësishme të pelegrinazhit të haxhit.
Sakaq, 14 pelegrinë, shtetas jordanezë kanë ndërruar jetë gjatë pelegrinazhit të Haxhit në Arabinë Saudite, për shkak të të nxehtit përvëlues.
Njoftimin e bëri Ministria e Jashtme e Jordanisë, e cila foli edhe për 17 të zhdukur.
