Një ngjarje e rëndë është shënuar ditën e sotme në Korçë, ku një fëmijë është mbytur në liqenin artificial të parkut japonez.
Ngjarja ka vetëm pak minuta që ka ndodhur në një liqen të vogël pranë parkut të qytetit.
Sipas njoftimit të policisë, viktima mendohet të jetë rreth moshës 8 vjeç dhe se ai ka qenë i shoqëruar me një tjetër fëmijë më të rritur.
Ende nuk dihet identiteti i fëmijës si dhe rrethanat e ngjarjes, por policia ndodhet në vendngjarje për të hetuar.
“Më datë 14.05.2020, rreth orës 16:05, në lagjen nr.3, në një rezervuar tek “Parku Japonez”, dyshohet të jetë mbytur një fëmijë rreth 8 vjeç (i seksit mashkull) ende i paidentifikuar. Shërbimet e zjarrfikses dhe policisë bënë të mundur nxjerrjen nga uji të trupit të pajetë. Grupi hetimor po punon për identifikimin e viktimës, si edhe për të zbardhur rrethanat e ngjarjes.”, thuhet në njoftimin e policisë.
