Një ngjarje e rëndë është regjistruar ditën e sotme në Korçë. Një 59-vjeçar i ka dhënë fund jetës duke konsumuar një sasi të madhe medikamentesh, një deklaratë kjo e bërë prej familjarëve të viktimës.
Shkaqet që e kanë çuar drejt këtij akti fatal janë ende të paqarta, sakaq policia po punon për zbardhjen e plotë të ngjarjes.
Njoftimi i policisë:
Informacion paraprak
Pasditen e sotme, në lagjen nr. 2, Korçë, në banesë, shtetasi P. C., 59 vjeç, nga të dhënat e para dhe deklarimet e marra familjarëve të tij, dyshohet se ka konsumuar një sasi të konsiderueshme medikamentesh mjekësore. Ky shtetas u transportua për mjekim në spital në gjendje të rëndë shëndetësore, ku më pas ka ndërruar jetë. Grupi hetimor po punon për sqarimin e rrethanave të ngjarjes.
