Një ngjarje e rëndë është regjistruar sot në Krujë, ku një 62-vjeçar ende i paidentifikuar, ka humbur jetën.
Mësohet se ngjarja ka ndodhur në vendin e quajtur “Nojë”, ndërsa dyshohet se ai ka rënë nga lartësia teksa ka qenë duke mbledhur bagëtitë dhe për pasojë ka humbur jetën.
Sakaq policia po punon për zbardhjen e mëtejshme të çështjes.
Njoftimi i policisë
Më datë 06.06.2024, në rrugën për një Qafë Shtamb, në vendin e quajtur “Nojë”, duke mbledhur bagëtitë dyshohet se ka rënë nga lartësia dhe ka ndërruar jetë shtetasi, 62 vjeç.
Po punohet për nxjerrjen e trupit të 62-vjeçarit nga lartësia, ndërsa grupi hetimor po punon për sqarimin e rrethanave të ngjarjes.
