Një ngjarje e rëndë ka ndodhur në Istog të Kosovës. Triumf Ferati, djali i vogël i ish-kryetarit të Komunës së Istogut, është gjetur pa jetë mbi varrin e të atit të tij në varrezat e fshatit Gurakoc. Ferati është edhe vëllai i kryetarit aktual të Komunës, Ilir Ferati. Por nuk dihen detaje lidhur me shkaqet që e kanë dërguan të riun drejt vetëvrasjes. E po ashtu, përse i riu zgjodhi që t’i jepte fund jetës së tij mbi varrin e të atit.
Megjithatë autoritetet në Kosovë njoftojnë se po punojnë për zbardhjen e plotë të rrethanave të ngjarjes.
“Prokurori i Krimeve të Rënda ka dalë në vend të ngjarjes bashkë me njësitet relevante policore. Trupi i pajetë i viktimës është dërguar për obduksion. Janë duke u ndërmarrë veprimet e nevojshme,”-ka bërë me dije zëdhënësi i Prokurorisë Themelore në Pejë, Shkodran Nikçi.
