Revista satirike franceze, Charlie Hebdo, shquhet për ironinë therëse dhe guximin e pamasë. Kësaj here, numri i saj i fundit i dedikohet Mbretit Charles III dhe përmban një karikaturë për kurorëzimin e tij.
Meqë Charles kurorëzohet këtë fundjavë, në kopertinë shfaqet titulli “Një kurorëzim i suksesshëm” dhe një imazh tronditës: Mbi kokën e Charles qëndron si kurorë kufoma e Lady Diana-s, e mbushur me krimba.
“Edhe mami ka ardhur”- thonë dy djemtë e çiftit në karikaturë, William dhe Harry.
Kjo karikaturë satirike i ka trazuar paksa ujërat. Teksa disa e quajnë të papërshtatshme dhe të tepruar, disa të tjerë s’i bezdis fakti që Charlie Hebdo godet fort.
Shumë njerëz janë dakord me karikaturën që përfaqëson mendimin e britanikëve, që Camilla (gruaja e Charles) nuk e meriton titullin Mbretëreshë.
