Një baba shqiptar në Itali ka dhunuar rëndë vajzën e tij të vogël, pasi ishte në gjendje të dehur.
Ngjarja ka ndodhur në Itali, ku vogëlushja 1-vjeçare ndodhet në gjendje të rëndë për jetën në spitalin e Firenzes.
Mediat italiane kanë bërë të ditur se vajza kishte dy brinjë të thyera dhe shume plagë të tjera në fytyrë dhe trup.
Shqiptari 48-vjeçar ishte vetëm me vajzën kur ka ndodhur kjo ngjarje e rëndë, pasi bashkëshortja e tij ka qenë në punë.
Alarmin e ka dhënë pikërisht nëna e vogëlushes, e cila kishte marrë në telefon të shoqin për të pyetur si ishte vajza, por ka kuptuar se ai ishte tërësisht i dehur dhe ka ndjerë se diçka e keqe kishte ndodhur.
Ajo kishte njoftuar motrën që të shkonte për të parë dhe kur ajo ka vajtur në shtëpi, vajza ka qenë e nxirë, e fryrë në fytyrë dhe gati pa ndjenja, raporton Shqiptarja.
Shqiptari është ndaluar në gjendje të dehur, ndërsa vijojnë hetimet për të zbardhur ngjarjen e rëndë.
