Një ngjarje e rëndë është regjistruar në fshatin Shillovë të Gjilanit. Një 39-vjeçar është gjetur i vdekur në banesën e tij.
Ai kishte ditë pa dalë nga shtëpia dhe pa pasur kontakt me të afërmit e tij. Kanë qenë këta të fundit që ngritën shqetësimin dhe njoftuan policinë.
Sakaq, policia ka hyrë me forcë në banesë dhe është përballur me trupin e pajetë të të ndjerit.
Nuk dihet ende shkaku i vdekjes, teksa trupi i tij është dërguar në morg, ku pritet t’i nënshtrohet autopsisë për të zbuluar shkakun që i mori jetën.
