Prej muajsh, Stresi ndodhet larg Shqipërisë, por ka premtuar se shumë shpejt do të rikthehet dhe do t’ju japë të gjithëve atë që meritojnë. Aktualisht ai ndodhet në Britaninë e Madhe dhe këto kohë i kanë shërbyer shumë për të reflektuar, herë pas here ai ka hedhur thumba për miq të tij, për të cilët shprehet se e kanë tradhtuar.
Sot ai ka zhvilluar një bisedë virtuale me ndjekësit e tij në Instagram dhe ka shfrytëzuar rastin që të thumbojë edhe kolegët e tij të industrisë muzikore. Dikush e ka pyetur Stresin çfarë mendon për estradën shqiptare dhe reperi nuk i ka kursyer disa kritika shumë të hidhura.
“Ka njerëz të mirë, por ata që janë të këqij në estradë, vetëm Zoti i madh e di se sa të pabesë janë, sa të pafytyrë. Kanë shitur kolegët, kushërinjtë, njerëzit besnikë që ju qëndruan afër të gjithë e për ça? Për famë, për Instagram. Hahahaha sa kanë me jetu 1000 vjet? Vetëm kohës e plakjes si shpëtojmë dot”, është përgjigjur Stresi.
Ndërsa sa i përket arratisjes së tij në Angli, reperi ka treguar se aty do të qëndrojë përkohësisht dhe nuk ka ndonjë qëllim tjetër për të marrë dokumenta apo diçka të ngjashme.
“Nuk kam ardhur të bëj letra këtu. U nisa për Bruksel, por më ndërroi mendja rrugës me një shok e thamë ikim një herë nga çunat”, ka thënë reperi teksa ka paralajmëruar se do të kthehet në muajin qershor në Shqipëri.
