Aktorja e njohur e Hollywood ,Nicole Kidman për momentin është në qendër të vëmendjes duke folur për filmin e saj të ri “Being the Ricardos” ku ajo personifikon Lucille Ball.
Duke folur për rolin e saj dhe marrëdhënien e personazhit të saj në çift ajo u shpreh se është një lidhje që nuk funksionon:
Bëhet fjalë për një marrëdhënie krijuese dhe romantike që nuk funksionon. Por prej saj dalin disa gjëra të jashtëzakonshme. Dhe unë e dua këtë ngjarje. Më pëlqen që nuk është një fund i lumtur.
Duke folur për gjëra sentimentale, gazetarja e pyeti nëse Nicole po i referohej martesës së saj 11-vjeçare me aktorin Tom Cruise, gjë të cilën aktorja nuk e priti aspak mirë.
Oh, Zot i madh, jo, jo. Absolutisht jo. Jo. Dua të them, kjo është, sinqerisht, kaq shumë kohë më parë saqë nuk është më në këtë ekuacion. Pra, jo. Dhe unë do të kërkoja që të mos më bëjnë pyetje në këtë mënyrë. Për mua është pothuajse seksiste, sepse nuk jam e sigurt që dikush do t’ia thoshte këtë një burri.
Nicole Kidman ka zbuluar se edhe ajo dyshonte në veten e saj kur mori rolin e yllit Lucille Ball në “Being The Ricardos”.
Aktorja, 54 vjeçe, shkoi në masa ekstreme për të portretizuar aktoren amerikane – duke detajuar në një intervistë të re me DuJour se si ajo filloi të pijë duhan për të aktruar ‘zërin e thellë’ të Lucille.
