Spikerja e Radio Shkodrës Suzana Dibra, është ndarë nga jeta si pasojë e një ataku kardiak mëngjesin e së enjtes. Kolegët e prisnin në studio për të dhënë edicionin kryesor të lajmeve, mirëpo u detyruan të jepnin lajmin e hidhur të ndarjes nga jeta të moderatores.
“Suzana Dibra, zëri embleme i Radio Shkodrës, tashme do të na mungoje..! E prisnim ne Radio sot për të dhënë bashkë edicionin e lajme kryesore por na erdhi lajmi i trishtë i ndarjes së saj nga jeta..!!! Zana Dibra, mikja dhe kolegia jonë e mirë, na shokove dhe trishtove pa masë me vdekjen e parakohshme! Pushofsh në paqe!” – shkruan kolegu i saj Ardian Hoti.
Suzana Dibra, 62 vjeç, punonte prej 40 vitesh në radio dhe ishte ishte kthyer në një embleme me zërin e saj të veçantë në qytetin e Shkodrës, shkruan “Newsbomb”.
