Dëshmitare e krimit horror që ndodhi në Paskuqan, ishte nëna e viktimës, e cila flinte në shtëpinë e të bijës pas konflikteve që kishte ajo me kunatin.
Enkeleda Çapoku dhe kunati i saj Eredet Çapoku jetonin së bashku në një shtëpi me qera para dy vitesh. Ndarja në shtëpi të ndryshme ka sjellë më pas edhe konflikte mes tyre. Sipas nënës së vajzës ata e larguan Eredetin sepse merrej me drogë.
Nëna e viktimës ka treguar edhe skenën e tmerrshme që ndodhi, teksa Enkeleda ishte në gjumë. Ai ka hyrë në shtëpi, e ka goditur nënën e 30-vjeçares me levë dhe më pas ka shkuar te Enkeleda, të cilën siç rrëfen e moshuara e ka prerë me thikë ndërsa ndodhej në gjumë.
“Ky maskarai herë pas here i bënte presion. Vajza e denoncoi në polici të Kamzës, por ky vazhdoi duke i dalë gocës përpara, do të të vras do të të bëj. Dhe pastaj fillova ta shoqëroj unë vajzën.
Mbrëmë erdhi dhe shkelmoi derën. Unë thirra Enkledën se ishte në gjumë. Mua ma futi në levë. E preu me thikë nga faqja te hunda. I ka pre edhe damarët e duarve. Unë dola te dritarja duke i thirr çunit hajde se kanë vra Enkeledën. E dërguan te spitali por ajo kishte mbaru që këtu”, tregon nëna.
