Ditën e sotme mediat italiane kanë publikuar historinë e dhimbshme të një gruaje rumune, e cila prej vitesh përdhunohej nga bashkëshorti i saj shqiptar.
Ka qenë vetë gruaja 40-vjeçare, e cila ka bërë publike historinë dhe ka denoncuar burrin shqiptar.
Ajo ka treguar para policisë se 42-vjeçari ishte i sëmurë nga xhelozia dhe shpesh e përndiqte kudo që ajo shkonte.
40-vjeçarja ka rrëfyer më tej edhe faktin që bashkëshorti i saj e kishte përdhunuar ndërkohë që djali i tyre, akoma një foshnjë flinte në dhomën ngjitur.
“Më detyroi të kryenim marrëdhënie seksuale, ndërsa djali ynë, i cili ishte akoma një foshnjë flinte te dhoma ngjitur. U binda që të mos zgjoja djalin,”- mësohet të jetë shprehur ajo.
“il Giornale.it” bën me dije se tani 42-vjeçari shqiptar është arrestuar dhe pritet që të merren masa ndaj tij.
