Cristiano Ronaldo ishte i pranishëm në eventin përurues të “Aeroporto da Madeira”, i cili tashmë do të mbajë emrin e futbollistit të talentuar.
Në këtë përurim është zbuluar gjithashtu edhe statuja e ylli portugez, e cila është përballur me një sërë kritikash të ashpra. Sipas fansave, kjo skulpturë nuk ka aspak ngjashmëri me futbollistin e tyre të preferuar, të cilët përmes komenteve të tyre në rrjetet sociale, e kanë përshkruar atë “të tmerrshme”.
I gjendur mes këtyre kritikave, skulptori ka thënë se edhe pse puna e tij nuk mund të kënaqë shijet e të gjithëve, sulmuesi i Real Madrid ka dhënë konfirmimin e tij, para se ajo të zbulohej.
