Ajo është një ndër zërat më të veçantë muzikës shqiptare por jo vetëm. Elvana Gjata është cilësuar si një nga këngëtaret shqiptare më me stil që gjithmonë ka mahnitur me paraqitjen e saj të veçantë.
Me klipin e saj të fundit, “Lejla”, Elvana sjell disa nga tendencat më të fundit të modës, që do t’ju bëjnë t’i doni edhe ju.
Veshja kadife
Kadifja është trendi i momentit që gjendjet në të gjitha modelet e veshjeve, çantave, këpucëve e çizmeve. E veshur e gjitha me një kostum kadife në ngjyrë gri, Elvana Gjata dukej mahnitëse në klipin e ri që u publikua dje pasdite.
Çizmet e gjata
Çizmet me qafë të gjatë, veçanërisht ato kadife, janë zgjidhja perfekte për këtë sezon. Pasi Rihanna mahniti me çizmet e saj të gjata që dukeshin sikur ishin pantallona, mjaft stilistë kanë përqafuar këtë trend, çizme të gjata dhe fund apo fustan i shkurtër.
Varsja Choker
Varësja Choker që vendoset pas qafës është një nga aksesorët më “in” të momentit. Zgjedhja e gurëve apo e materialeve që shkëlqejnë i jep ndriçim fytyrës tuaj dhe stil.
Makijazhi dhe flokët natyrale
Një makijazh i thjeshtë me pak shkëlqim të sytë është ai që këngëtarja Elvana Gjata ka zgjedhur në klipin e ri. Pasi u kthye te flokët e saj natyralë, Elvana duket më e freskët dhe sigurisht më e vogël në moshë.
Ngjyra lejla
Stilisti Valdrin Sahiti u frymëzua nga klipi i ri për të sjellë një koleksion të ri, i gjithi në ngjyrën lejla. Koleksioni i përbëre nga fustane klasike mbrëmjeje, risolli një ndër ngjyrat më në modë këtë sezon, atë lejla që u paraqit edhe në koleskionin e fundit të verës 2017 të Marc Jacobs.
Burimi: Iconstyle
