Ndonëse na ndan edhe afro një muaj nga Krishtlindjet dhe Viti i Ri, të gjithë kemi filluar nga pak t’u japim gjallëri festash ambienteve tona.
Jo vetëm kaq! Personazhet e njohur të showbiz-it tonë këtë periudhë e shfrytëzojnë për të përjetësuar kujtimet e tyre familjare në disa kartolina të bukura festash.
Së fundmi Xhensila Myrtezaj dhe Bes Kallaku kanë realizuar një set fotografik me vajzën e tyre të vogël nën kontekstin festiv.
Me një foto të bukur pranë pemës, me Xhensilën e veshur njejtë me vajzën e saj dhe Besi mes tyre, çifti na kanë servirur kështu kartolinën e tyre të festave të fundvitit.
“Jeta është e shkurtër, kaloni me familjen tuaj, qeshni dhe ndjehuni të dashuruar”, ka shkruar këngëtarja krahas portretit familjar në prag festash.
Nga ana tjetër, disa ditë më parë aktori festoi ditëlindjen e tij, ku nuk mungoi një urim special nga partnerja, Xhensila.
“Gëzuar Ditën e Lindjes burrit që është dhe do jetë në krahun tim përgjithmonë.
Ne kemi dhe do kemi “Uljet & Ngritjet “tona por do përballojme çdo test kohe si gjithmonë.
Në fund të çdo dite ajo çfarë dua është “përqafimi yt”. Nuk të premtoj që do ketë “DIELL” gjithmonë, por të premtoj dashurinë, besnikerinë dhe përkushtimin tim…
GËZUAR BURR! GËZUAR SHOK! GËZUAR BABI MË I MIRË NË BOTË, GEZUAR BES KALLAKU! TË DUA”
