Mbrëmjen e së martës u mbajt eventi i rëndësishëm i muzikës “American Music Awards”, ku nuk munguan dy këngëtaret e njohura shqiptare, Rita Ora dhe Dua Lipa.
Pavrësisht se flitej që eventi mund të ishte i një rëndësi të veçantë për dyshen, pasi mund të shërbente si një mënyrë pajtimi, deri në fund të tij nuk pati asnjë takim mes tyre.
Por një tjetër këngëtare shqiptare ishte pjesë e eventit dhe i mrekulloi të gjithë me paraqitjen e saj, Bebe Rexha.
Ajo kishte zgjedhur një fustan të mahnitësh të markës “Balmain”, i çarë deri në pjesën e shalës. Fustani i zi dhe metalizato ishte i zbukuruar i gjithi me xixa dhe kristale, ndaj këngëtarja shkëlqente nga koka te këmbët.
Bebe Rexha u shfaq me modelin e ri të flokëve, të stiluara me onde dhe me një makijazh sa më pranë natyrales.
Të njëjtën markë për t’u përfaqësuar në një nga eventet më të rëndësishëm të muzikës kishte zgjedhur edhe Taylor Swift, Jennifer Lopez dhe Tracee Ellis Ross.
Burimi: Instagram
