Para disa ditësh, këngëtarja e njohur shqiptare, Arta Bajrami, bëri një deklaratë në rrjetet sociale që solli mjaft keqkuptime në rrjet.
Deklarata e saj i referohej suksesit më të fundit të Rita Orës, e cila para pak ditësh u rendit e para në Mbretërinë e Bashkuar dhe e pesta në botë me këngën e saj më të re “Big”.
Duke përdorur ironinë, Arta Bajrami, theksoi faktin se si është e mundur që kënga më e re e Rita Orës nuk pati as një million klikime në Youtube, ndërkohë që pati atë renditje në top listat britanike dhe amerikane.
“E paske marrë veten në qafë”, ishte deklarata me të cilën Arta Bajrami i drejtohej Rita Orës dhe i sugjeronte që të vinte në Kosovë për të arritur miliona klikime në YouTube, ashtu siç bëjnë shumë këngëtarë të estradës shqiptare.
Kjo deklaratë e saj u bë mjaft virale në rrjet dhe u keqkuptua në masë të gjerë nga publiku.
Reagimi i Artës në lidhje me situatën e krijuar erdhi mbrëmjen e djeshme, ku bëri një sqarim të gjatë në rrjetin e saj social në Instagram. Ajo shpjegoi se deklarata e bërë pak ditë më përpara nga ajo nuk e ka pasur si qëllim të kritkojë për Rita Orën, por të ngrejë shumë pikëpyetje në lidhje me statistikat e estradës shqiptare.
Ja sqarimi i plotë i saj në Instagram:
“Një sqarim lidhur me një postim timin në instagram para disa ditësh.
Më rastisi të shikoj këngën e re të Rita Orës dhe ajo që më ra në sy ishte se për 24 orë kishte marrë rreth 300 000 klikime në YouTube. Pastaj lexova se po e njejta këngë kishte përfunduar në vendin e parë në toplistat në UK si dhe EP-Bang (mini albumi ku ndodhet kjo këngë) po ashtu ishte renditur në vend të parë në UK si dhe në vendin e pestë në nivel global.
Dhe pyetja që i bëra vetës ishte: si është e mundur një gjë e tillë kur disa artistë shqiptarë mbledhin me lehtësi 1 milion klikime për 24 orë? Dhe pastaj me sarkazëm thash: “Rita e ka marrë vetën në qafë që është e njohur globalisht sepse sikur të ishte e njohur vetëm në Kosovë dhe Shqipëri do kalonte pa problem 1 milionshin për 24 orë.
Kjo mjaftoj që të më vërsulen me sharje, me fyerje, me nënqmime etj etj. Portalet zgjodhën të përdorin tituj bombastik, duke nxjerr nga konteksti krejt postimin tim dhe Arta brenda natës, në sytë e masës, u bë “kritikuesja e Ritës”.
Çfarë të bëj unë tani? Tu spjegoj njrëzve se çfarë është SARKAZMA? Po të dëshiroja tu jap shkollë njerëzve, do isha bërë mësuese e jo këngetare. Kaq nga unë për këtë temë dhe siç thotë populli “kush është bektesh e merr vesh”. Sepse në këtë vend, në këtë shoqëri, në këtë mentalitet, mëkati më i madh është të thuash të vërteten, ose të zbulosh gënjeshtrën.
P.S. Rita për mua, si për shumicën e muzikëdashësve në botë, është një yll që ndriçon fort gjith globin tonë, duke na bërë sidomos neve shqiptarëve një nderë te madh në botë”, ka shkruar Arta Bajrami në postimin e saj.
View this post on Instagram
