Pas afro shtatë viteve martesë, Kim Kardashian dhe Kanye West i dhanë fund marrëdhënies së tyre të shumëpërfolur. Mediat e huaja raportuan se pikërisht më 19 shkurt, Kim firmosi letrat e divorcit dhe ndarja e tyre ishte tepër paqësore.
Kanye West është dorëzuar dhe si përfundim i është përgjigjur kërkesës për divorc të Kim Kardashian, të cilën ajo e bëri 2 muaj më parë. Sipas një përgjigje ligjore të paraqitur nga avokati i reperit, West, 43, kërkon kujdestari të përbashkët ligjore dhe fizike të fëmijëve të tyre: vajzat North, 7, dhe Chicago, 3, dhe djemtë Saint, 5, dhe Psalmi, i cili do të mbushë 2 vjeçe më muajin maj.
Në rrjete sociale, Kim ka treguar vazhdimisht se nuk po e vuan aspak ndarjen. Megjithëse procedurat e divorcit do të zgjasnin, ajo e hoqi shpejt unazën nga gishti për t’i treguar botës që është e lirë.
Të njëjtin gjest ka bërë tani edhe Kanye West. Reperi është fotografuar së fundmi teksa përpiqej t’i shpëtonte paparacëve në Los Angeles.
Ai mbuloi fytyrën, por harroi të mbulonte dorën pa unazë ndërsa fotoja po bën tashmë xhiron e rrjetit.
Lart e poshtë po thuhet se Kanye West dhe supermodelja Irina Shayk janë në një lidhje. Ky lajm u bë shumë shpejt viral në “Twitter” dhe më pas në të gjithë rrjetin.
Sipas burimit për tabloidin “DeuxMoise” thuhet se Kanye West është në një marrëdhënie të fshehtë me modelen.
“Nuk e di nëse ‘takimet’ (dating) janë fjala e duhur për ta përshkruar, por duket që mes tyre ka interes.”- ka thënë burimi.
Por çfarë mendon Kim Kardashian në dhje me këto lajme?
Një burim për “The Sun” ka thënë se Kim nuk shqetësohet aspak, sepse nuk i beson fare këto spekulime.
“Kim nuk i beson fare këto thashetheme për Irina-n. Për të është thjesht një formë për të marrë vëmendje. Ajo nuk shqetësohet fare për të, askush në rrethin e saj nuk interesohet apo e beson këtë gjë. Edhe nëse është e vërtetë, e dyshoj që ajo të mërzitet në këtë pikë”, është shprehur burimi në fjalë.
Njohja e Irina-s me Kanye-n daton që në vitin 2010, kur ajo u shfaq në videoklipin e këngës së tij, “Power”. Në klip, Irina Shayk, i gjunjëzohet reperit. Modelja ka qenë gjithashtu pjesë e pasarelës për koleksionin e modës vjeshtë/dimër të Kanye-s, në Paris, gjatë vitit 2012.
