Don Xhoni, “djali talent i karantinës”, arriti të rrëmbejë zemrat e publikut shqiptar.
Ai nisi të bëjë muzikë rep dhe këngët e tij jo vetëm që thyen rekorde në Youtube, por u kthyen në hite që dëgjohen kudo.
Tashmë, i riu është një ndër reperët më të kërkuar e të ndjekur dhe sigurisht, ndër ata që paguhen më së miri.
Si duket reperi ka vendosur të ndërmarrë një hap tjetër në karrierë duke u larguar nga “Gjoni Black Ent.”. Edhe pse mendja na shkon direkt tek një konflikt, duket se largimi ka qenë paqësor dhe pa hatërmbetje nga të dyja palët. Reperi i ka falenderuar duke ju dedikuar atyre suksesin e tij në muzikë deri më tani.
“Të nderuar dashamirë, desha t’ju informoj që me marrëveshje të dyanshme nuk jam më pjesë e labelit GjoniBlack Ent., i falenderoj nga zemra djemtë për punën edhe kontributin e dhënë përgjatë këtij rrugëtimi që kemi pas. Sigurisht që pa ta nuk do isha këtu ku jam, prandaj uroj që sukseset për ta mos të ndalen kurrë, ndërsa miqësia jonë do jetë e përjetshme!”, ka shkruar Don Xhoni në storyn e tij në Instagram.
Ndërkohë reperi ka postuar dhe një story tjetër ku paralajmëron një bashkëpunim të ri.
“Në lidhje me performancat në diasporë, shumë shpejt do ju njoftoj me numrin e ri
kontaktues për “bookings”. Shihemi shpejt me bombën e ardhshme!”, ka shkruar reperi.
