Gazetari i njohur dhe moderatori i “A-Show”, Adi Krasta është nuk do jetë më në televizionin “News 24”.
Lajmi ka bërë bujë në të gjitha portalet, ndërsa për largimin i tij u përfol se ka lidhje kryeministri Edi Rama.
Kjo ka nxitur reagimin e gazetarëve në mediat sociale, si ai i Enkel Demit, i cili në një postim në rrjetet sociale ironizon largimin e Krastës nga televizioni duke thënë se e ka merituar, madje duhet të bëjë autokritikë të fortë e të thellë:
Mesazhi i plotë i Enkel Demit:
Meqë me shumë modesti edhe unë jam një nga njerëzit që ka dhënë një farë ndihme që Adi Krasta të idhnojë qeverinë, dal vullnetar të tërheq mbrapsht gjithçka kemi shpifur në atë studio.
Kjo ka ardhur, se nuk i njihja të mirat e zgjedhjeve të 30 qershorit, aftësinë e kryetarëve të pastër akullore të bashkive, rritjen ekonomike që na dha falë kulturës së barit në bujqësi, përfshirja në administratë dhe qeveri të çunave problematikë, PPP-të, përndritja e ideve gjeopolitike të Batonit dhe djalkës diplomat…
Për të gjitha këto e shumë të tjera ndjehem fajtor, kam gabuar rëndë dhe kërkoj ndjesë publike.
Denoncoj Adi Krastën si njeri që e ka merituar masën ndëshkimore që mori qeveria për të dhe e ftoj të bëjë autokritikë të fortë e të thellë dhe të pranojë të punojë kokëulur vullnetar për Rilindjen, e cila po i sjell popullit gjithë këtë begati, siguri dhe mirëqenie.
