Prej katër vitesh, moderatorja Marina Vjollca dhe reperi Getoar Selimi janë burrë e grua dhe një ndër çiftet më të famshëm të showbiz-it shqiptar.
Dasma e tyre u kthye në kryefjalën e rrjetit dhe pamjet e Marinës dhe Getit si nuse e dhëndër bënë xhiron e mediave. Mirëpo, kaq kohë pas dasmës, vetë Getoari ka zbuluar një prapaskenë të sikletshme nga dita e tyre e shënuar, që askush nuk e kishte kuptuar.
Atyre i ka ndodhur një moment i sikletshëm gjatë prerjes së tortës, ku iu është dashur të “aktrojnë” për ta kaluar sa më shpejt dhe të mos e merrte vesh askush.
“Momenti i tortës, janë do momente që bëhen për formalitet torta ishte shumë e madhe mirëpo baza e saj ishte stiropor dhe ata që e kishin përgatitur tortën thanë se duhet ta prejm nga poshtë por është dasht nga lart dhe kështu unë ia dhash Marinës dhe ajo më shikoi pastaj e preu një copë të madhe duke ma dhuruar dhe si jemi larguar pak e kemi hedh në zall stiroporin”, tha reperi.
Epo, dasmat i kanë dhe këto!
Gjatë intervistës së tij, Getoari rrëfeu edhe raportin me djemtë e grupit “Babastars” dhe në veçanti Agon Amigën.
“Nëse për një njeri kam bërë më shumë se sa për veten është Agon Amiga. Nuk ka as baba, as nënë, as grua e vëlla që kam bërë më shumë”, është shprehur reperi.
Nga ana tjetër, para disa muajsh Amiga ka treguar para pak muajsh se raporti mes dyshes ka përfunduar në mënyrë shumë banale.
“Fatkeqësisht jo!. Më vjen keq që po e them këtë, i kemi ndërprerë në mënyrë shumë banale kontaktet. Unë i kam thënë atij si burrë; jena bo 20 vjet karrierë bashkë. Hajde po i ndajna senet në tavolinë.s’po punojnë në bashkë, por mujna me qenë shokë. Më vjen keq që shumica prej anëtarëve të grupit janë të shpërndarë; Cozma është në Londër, unë jam Gjermani, Majk në Prishtinë, Geti është që sa vite në Tiranë”.- ka rrëfyer Agon para pak muajsh.
