Në më shumë se 20 vite në sy të publikut, Paris Hilton ka qenë shumë gjëra. Midis tyre, një vajzë famëkeqe festash, një manjate aromash apo një blogere. Por tani ajo po vendoset në një korsi krejtësisht tjetër: në kuzhinë.
Në vitin 2021, në mes të pandemisë COVID-19, Hilton shfaqi “Cooking With Paris”, program në të cilin ajo dhe miqtë e saj të famshëm (përfshirë Kim Kardashian) gatuanin pjata të ndryshme në kuzhinën elegante të Hilton.
Në fillim të këtij viti, Paris publikoi koleksionin e saj të enëve të gatimit “Be An Icon”, një shumëllojshmëri tenxheresh dhe tiganësh kryesisht rozë, pjata pjekjeje në formë zemre që u shitën pothuajse menjëherë.
“Unë i bëj të gjitha. E dua ushqimin. Kam linjën time të enëve të gatimit në Walmart. Kjo më bëri të ndihem kaq e lumtur dhe kaq krenare! Doja të bëja gjëra që do t’i përdorja në kuzhinë”.
“Duke parë të gjitha enët e kuzhinës në internet dhe në dyqane, vura re se ishin kaq të mërzitshme dhe jo argëtuese. Doja t’ua bëja më argëtues gatimin. Dua që të gjithë të ndihen ikona, edhe në kuzhinë”.
