Ditën e djeshme një 18-vjeçar u arrestua pasi akuzohej se kishte abuzuar seksualisht me një 16-vjeçare që njohu në Instagram,
Burime nga Drejtoria e Policisë së Durrësit, bëjnë me dije për Report Tv se dëshmitë e dy të rinjve janë të kundërta.
Djali ka mohuar çdo akuzë për abuzimin seksual ndaj vajzës. Ata ishin njohur nëpërmjet rrjeteve sociale, ku më pas kanë biseduar dhe lënë të takohen.
Pasi janë takuar disa herë dhe njohur më shumë me njëri tjetrin, djali mësohet se ka ftuar vajzën në banesën e tij dhe ajo ka pranuar. Të dy kanë shkuar në banesën e 18-vjeçarit dhe aty, ky i fundit ka tentuar të kryejë marrëdhënie seksuale me vajzën, por sipas dëshmisë së 16-vjeçares ajo nuk ka dashur me pretendimin se sapo ishin njohur.
Por pas kësaj, vajza ka denoncuar djalin duke thënë se e ka mashtruar dhe më pas përdhunuar.
Nga vizitat paraprake mjekësore rezulton se 16-vjeçarja nuk ka shenja dhune apo përdhunimi, megjithatë pritet ekspertiza e plotë mjekësore.
