Angela Martini ka festë sot! Për të gjithë ato që janë kuriozë po ju themi se modelja feston 35-vjetorin e lindjes.
Në këtë ditë speciale, bukuroshja ka zgjedhur që të të befasojë ndjekësit e saj me disa fotografi nga fëmijëria. Ajo është bërë nostalgjike për të kaluarën dhe ka zbuluar pamje të rralla e të papublikuara më parë.
Angela ka lindur me 23 maj të vitit 1986 dhe është një nga femrat më të bukura shqiptare.
Angela Martini është një personazh që nuk preferon të flasë shumë në lidhje me punën e saj apo dhe jetën personale. Por para disa ditësh si rrallëherë ajo ka bërë një postim që i ka habitur të gjithë. Në fakt ky postim duket më shumë si një paralajmërim për një person, që Angela ka ndeshur gjatë jetës së saj.
Ajo ju ka sugjeruar ndjekësve në Instagram që të shohin filmin “I Care a lot” në “Netflix”. Ajo ka treguar se ky film i ngjason shumë me një histori që i ka ndodhur së fundmi me një grua që i ka rastisur të punojë. Angela shprehet se bëri shumë gabim në zgjedhjen e saj, por tashmë është e vendosur që ta zbulojë se për kë bëhet fjalë dhe të ekspozojë të gjithë njerëzit që i kanë bërë keq në jetë.
“Erdhi koha për të ekspozuar disa njerëz. Ua sugjeroj ta shihni këtë filmin njerëz. Tipi i kësaj gruaje është ekzaktësisht ajo që takova në jetën time së fundmi dhe bëra shumë gabim që nisa të punoj me të. Ato afrohen me pamjen e gruas perfekte, të zgjuar, të dashur etj. Por në të vërtetë janë manipulatore dhe gënjeshtare dhe vjedhacake. Kombinim shumë i rrezikshëm. Por vjen një ditë që gabimet bëhen me personin e gabuar. Për këta njerëz unë jam karma e tyre dhe luftoj me të vërtetën.
Teknika e tyre nuk do funksionojë me çdo njeri, veçanërisht me mua. Për shkak të historisë së jetës sime, unë e kam aftësinë për t’i ekspozuar këta njerëz. Një nga një do t’i zbuloj të gjithë. Nëse fati do që unë të bëj këtë, kështu le të jetë”, ka shkruar Angela në postim.
