Tashmë është bërë baba për herë të parë dhe po kalon më shumë kohë në shtëpi me të bijën dhe partneren, ndaj Fero i është futur me kokë arkivave të fotove të vjetra.
Reperi ka ndarë me ndjekësit në InstaStory një foto të vetën nga fëmijëra, të shkrepur nëntë vite më parë. Në pozën e publikuar, Fero duket shumë ndryshe nga sot dhe me siguri shumica prej jush nuk do ta njihnin po të mos jua tregonim cili ishte.
Fero shfaqet duke luajtur basketboll me një grup djemsh, i veshur me të gjëra teksa mban topin në dorë.
Reperi dhe modelja Arbenita Ismajli u bënë disa ditë më parë prindër për herë të parë.
Arbenita solli në jetë një vogëlushe të cilën çifti po e priste me padurim. E vogla e tyre u pagëzua me emrin Nina dhe menjëherë pas lindjes nuk munguan fotot në rrjete sociale, teksa e dhanë vetë këtë lajm të bukur.
Fero ka ndarë në InstaStory një foto të vogëlushes së tij, teksa shkruan krahas saj “Elhamdulilah”. Por ia ka mbuluar fytyrën.
Në ditën më të bukur të jetës së saj, kur u bë nënë për herë të parë, Arbenita gjithashtu mori lajmin më të hidhur të jetës.
Babai i saj humbi betejën me Covid-19, me të cilin po luftonte prej ditësh.
Lajmin e hidhur e dha e para motra e Arbenitës, Almedina, e cila në një status në Facebook shkroi:
“Unë kam raportu me gjakftohtesi vazhdimisht per rastet e reja me Covid dhe viktimat.
Nje nga viktimat sot u bo edhe babi jem, motivi i jetes teme, pa te cilin sedi a do te gjej force me per jete Allahu n’Xhenet o babaluq i jem… Shume e luta Zotin veq edhe nja tre muj me tlon me ne, se kurre nuk tu nda puna e spatem mundsi me u knaq.”
