“Sonte ishte nata ime më speciale ndër vite”- tha Stresi teksa postoi një foto me një vajzë duke e puthur, mirëpo “u shua” shumë shpejt romanticiteti. Kjo pasi reperi, i cili ndau foto nga ‘nata speciale’ ka hedhur poshtë aludimet për lidhje, të cilat vetë kërkoi t’i nxiste, për të tërhequr vëmendje.
“Iconstyle” zbuloi identitetin e vajzës, e cila është 18-vjeç, pra 18 vite më e vogël se reperi. Si për t’i shuar fjalët që vërshuan në rrjetet sociale për lidhjen e re dhe faktin e diferencës së moshës, reperi ka bërë të ditur se është beqar.
Ai thotë se nuk ka asgjë të keqe që të dalësh në një takim me një shoqe, megjithëse u përpoq aq shumë ta bënte foton të dukej romantike, e t’i shkruante fjalë romantike postimit. Madje shton, se do të jetë beqar dhe për shumë kohë, a thua se nuk desh vetë të dukej si i lidhur!
Madje, guxoi të bëjë edhe ironi me mediat, vëmendjen e të cilave e kërkoi me ngulm.
‘Single më keni. Beqar do më keni dhe për pak kohë, por nuk është mirë të nxirrni gjëra të pavërteta sepse nuk ka asgjë të keqe që të dal në darkë me një shoqe.’- thotë Stresi në një video që postoi sot në ‘instagram’.
Të paktën e more vëmendjen që kërkove Stresi?
