Blogerja me famë botërore, Chiara Ferragni, është një ndër bjondet më simpatike të rrjeteve sociale.
Prej vitesh jemi mësuar ta shohim bjonde dhe me siguri asnjëri prej jush nuk e imagjinon dot me një tjetër look.
Mirëpo, Chiara është rikthyer sot pas në kohë dhe ka ndarë në llogarinë e saj në Instagram një foto kur kishte ende flokët e saj natyralë.
Blogerja shfaqet në foton e publikuar me flokët e saj në ngjyrë të kuqërremtë dhe të themi të vërtetën u habitëm pak, aq sa fillimisht s’na u duk si Chiara.
View this post on Instagram
“2015, me flokët e mia natyrale”- ka shkruar ajo krahas postimit.
Chiara dhe Fedez shumë shpejt do të bëhen prindër për herë të dytë.
Djali i tyre bukurosh, Leo, do të bëhet me motër dhe familja e tyre është në qiellin e shtatë nga lumturia.
Çifti vendosi ta ndajnë këtë lajm të bukur me publikun shumë shpejt pasi e mësuan, ndërsa blogerja nuk i ka kursyer aspak momentet e shtatzënisë në rrjete sociale.
Ajo ndan shumë shpesh me fansat foto ku tregon barkun e rrumbullakosur, ndërsa tashmë është në muajin e shtatë të shtatzënisë.
Ata ende nuk e kanë treguar ç’emër kanë menduar për të voglën që do të vijë në jetë së shpejti, por mirëpresin çdo sugjerim.
