Chadwick Boseman ka folur për betejën e tij me kancerin e zorrës së trashë vetëm një vit pasi u diagnostikua me sëmundjen, dhe askush nuk e ka vënë re!
Boseman u nda nga jeta në moshën 43 vjeçare të premten, dhe aktori ka folur për luftën e tij me kancerin në një intervistë që bëri me Huffington Post në 2017.
Gazetari Matthew Jacobs ndau një pamje të intervistës së tij me Boseman të premten, ku e pyeste:
“Ju keni ardhur nga një projekt i Black Panther, bëtë Marshall dhe më pas bëtë një tjetër film Black Panther. A vutë muskuj, i rrëzuat ato e më pas i vutë sërish”?
“Oh ti as nuk e ke idenë. Një ditë do të jetoj për të treguar historinë”, iu përgjigj aktori.
Ndër kujtimet që qarkullojnë në internet është dhe një klip i rishfaqur nga viti 2018 i Boseman, ku aktori flet për dy fansa të rinj që kishin kancer.
Aktori ishte diagnostikuar në vitin 2016, dy vjet para se të tregonte me lot historinë e djemve.
Boseman rrëfeu takimin me dy fëmijë të vegjël, Ian dhe Taylor, me të cilët ai po qëndronte në kontakt gjatë gjithë produksionit të Black Panther, i cili u publikua në shkurt 2018.
Boseman u pushtua nga lotët ndërsa kujtoi se dy djemtë kishin vdekur para se të ishin në gjendje të shihnin filmin e përfunduar.
