Aktori Florjan Binaj, prej thuajse dy dekadash hoqi dorë nga “Portokalli”, vendosi të largohet nga programi i humorit.
Këtë vendim ai e njoftoi nëpërmjet një postimi në llogarinë e tij të “Instagram”, ku ka shprehur të gjithë falënderimet ndaj kolegëve të tij.
Kujtojmë se zërat për futjen e Binajt në politikë erdhën pas shfaqjes së tij në protestat e organizuara për rritjen e çmimeve. Por ashtu si vetë aktori pranoi, ky lajm ishte i pavërtetë.
Pas largimit të tij nga Portokallia, është aluduar se në cilin televizion do të jetë komediani Florjan Binaj. Si duket ai e ka bërë zgjedhjen e tij dhe do të jetë moderator te “Piranjat”, së bashku me Arilena Arën.
Flori mes satirës, humorit, dhe detyrës së re si moderator do të rikthehet sërish ekranit. Do të na duhet të shohim sesi do të përshtat me rolin e tij të ri, por edhe me shtëpinë e re mediatike.
Emisioni “Piranjat” e ABC pritet të futet në aksion, pasi gjithçka duket se është gati. Vetë televizioni ABC ka bërë publike se drejtues do të jenë Florian Binaj dhe Arilena Ara, për të cilën ishte përfolur edhe më përpara.
“Piranjat” pritet të frikësojnë çdokënd që ka sadopak gishtin me vjedhjen e parave publike duke u bërë zëri kryesor në ekran i problematikave të shoqërisë. Si duket nuk do të mungojnë situatat gazmore, njerëzit e kapur “mat” dhe investigimet në thellësi, sepse në fund të fundit, asgjë nuk mund të rrijë e fshehtë përgjithmonë.
