Bora Zemani do të jetë pjesë e emisionit “E Diela Shqiptare”, me Ardit Gjebrean, Erion Isain dhe Bes Kallakun.
Lajmi është bërë i ditur sot nga vetë Arditi, i cili ka publikuar një foto nga studioja e re e emisionit duke i bërë Borës një pritje madhështore me emrin e saj që shfaqet në skenë.
“E kush tjetër do të të priste kështu Bora Zemani?”, shkruan Arditi në Instagram.
Erion Isai i uron mirëpritjen moderatores, e cila ka vetëm pak kohë që njoftoi shkëputjen zyrtare nga Digitalb.
“Wow çfarë mikpritje! ? e lumtur pafund dhe mezi po pres te fillojmë në datë… ??♀️ edhe paaaak fare ?”, shkruan Bora duke na bërë të dyshojmë se emisioni nis të dielën.
Më herët u përfol se Bora Zemani i dha fund rrugëtimit të saj në “Top Channel”pasi moderatorja kishte pasur disa konflikte me drejtuesit e kësaj platforme televizive.
E pyetur për largimin pak kohë më parë, Bora nuk konfirmoi zërat për konflikte por tha se do i mungojë shumë ky program:
“Unë kam kaluar tre vite shumë të bukura, tre vite fantastike në Digitalb, por prej sezonit të ri do të jem diku tjetër. Do të më mungojë gjithçka atje, njerëzit dhe miqësitë. Kanë qenë tre vite shumë të bukura për mua”, ka rrëfyer Bora.
