Juristja Eni Çobani është tepër aktive në rrjetet sociale dhe si rrallëherë këtë vit ajo ka ndarë me ndjekësit e saj të shumtë disa foto nga pushimet e saj ku shfaqet me rroba banje.
Mirëpo jo të paktë kanë qenë ata komentues të cilët kanë vënë në dukje kilogramët e tepërt të juristes së njohur.
Pikërisht këto komente e kanë irrituar Eni Çobanin e cila ka reaguar nëpërmjet një postimi në Instagram ku thotë se ndihet rehat me peshën e saj dhe i këshillon kritikuesit që të merren me veten e tyre pastaj të komentojnë të tjerët.
“Sa më vjen për të qeshur me disa që merren akoma me sa peshojnë. Unë dua t’ju bëj një pyetje, mendjen e keni peshuar ndonjëherë sa ju rëndon? Atë shëndosheni sa më shumë, se duke tharë trupin po i thani të gjitha. Merruni me veten para se të merreni me të tjerët. Për të gjithë të interesuarit ndihem shumë mirë me këtë që zoti më ka falur, shëndetin’’, shkruan Eni krahas fotos ku shfaqet në plazh.
