Modelja e njohur Hailey Baldwin ka folur për herë të parë sesi ndihet që gjatë gjithë kohës e krahasojnë me ish-të dashurën e Justin Bieber, Selena Gomez.
Dje Justin dhe Hailey u futën në live në Instagram dhe çifti iu përgjigj pyetjeve të parashtruara nga fansat.
Një ndjekës e pyeti se si ata ia dalin të shkojnë mirë bashkë kur ka shumë njerëz që flasin mbi marrëdhënien e tyre.
Nisur nga kjo, Hailey foli edhe për komentet e njerëzve mbi lidhjen e tyre dhe si kanë ndikuar tek ajo, sidomos kur e krahasonin me ish-të dashurë e Justin.
“Kam pasur vërtet, vërtet një kohë shumë të vështirë në lidhje me gjërat që njerëzit thoshnin dhe që më krahasonin dhe më kanë vendosur në një pozitë ku më kanë bërë të ndihem më pak femër”, është shprehur Hailey.
Dhe vetëm në rast se nuk ishit të sigurt nëse Hailey po fliste për Selena Gomez kur tha që njerëzit e krahasonin, ajo vazhdoi duke thënë:
“Nuk është e lehtë kur njerëzit kanë fansa që janë vërtet pasionantë dhe duan të shprehin mendimin e tyre dhe shumë prej tyre janë fëmijë apo thjesht disa të rinj që nuk do ta kuptojnë kurrë realitetin e një marrëdhënieje sepse ata janë kaq të rinj dhe nuk e kanë provuar akoma”, shtoi modelja e njohur.
Hailey ka treguar ndër të tjera gjithashtu se për të përballuar komentet, ajo i kujton vetes se të tjerët nuk e dinë të vërtetën në lidhje me marrëdhënien e saj me Justin.
https://www.instagram.com/p/B-5eI9IlX-A/
“Kur njerëzit kanë shumë për të thënë ose shkojnë aq larg sa për të të bërë të ndihesh keq, në fakt kjo vjen është sepse ata ndihen keq me veten e tyre”, tha Hailey.
Për momentin Hailey ka rrëfyer se po shmang leximin e komenteve dhe artikujve rreth saj dhe Justin.
“Realiteti është që ne zgjohemi pranë njëri-tjetrit të lumtur çdo ditë. Të gjithë ata që na urrejnë mund të vazhdojnë të përpiqen, por ne jemi shumë mirë me njëri-tjetrin”, përfundoi modelja e njohur.
