Nuk ka më dyshime! Eliona Pitarka është në pritje të fëmijës së dytë.
Lajmin e ëmbël e ka bërë me dije vetë Eliona me anë të një postimi në Instagramin e saj ku duket së bashku me bashkëshortin dhe vogëlushën, Gala.
“Opsss, ndodhi sërish!”-ka shkruar moderatorja krahas imazheve.
Eliona Pitarka është gjatë gjithë kohës në komunikim me fansat e saj nëpërmjet rrjeteve sociale. Në një bisedë virtuale që ka bërë më herët, ajo ka zbuluar disa detaje nga jeta e saj.
E pyetur se nëse po mendonte për fëmijën e dytë, Eliona asokohe u përgjigj se do vinte kur ta kishte shkruar Zoti.
“Sa shumë po më pyesin, kur ta ketë shkruar Zoti do vijë…. ne po e presim”- u shpreh ajo.
Ndërsa për pyetjen se çfarë e bën një raport të shkëlqyer me bashëshkortin, Eliona u ndal pak më shumë.
“Komunikimi është gjithçka. Besimi i plotë tek njëri-tjetri, mbështetja maksimale dhe të qenurit ‘fansi’ numër 1 i partnerit/es tënd/e. Të qenurit mbi të gjitha shokë të ngushtë! Mos të konsideruarit njëri-tjetrin si ‘burri’ dhe ‘gruaja’ dhe të ndahen detyrat… por të punuarit në skuadër me njëri-tjetrin për të arritur çdo gjë bashkë.”
Sa i përket karrierës, Eliona pas “Klanifornia-s” tani është e angazhuar në televizionin “MCN”.
