Briken Calja është konfirmuar kampion bote edhe pas testeve mjekësore të kryera.
Peshëngritësi shqiptar fitoi medalje të artë në stilin e e shkëputjes dhe dy medalje të argjendta në dygarësh dhe shtytje në Botërorin që u mbajt të Tashkent të Uzbekistanit.
Pas suksesit historik, mungonin vetëm testet mjekësore që të vërtetonin se ai nuk kishte marrë substanca dopping dhe në fund rezultoi se peshëngritësi ishte “i pastër”
Në Botërorin e javës së kaluar Calja ia doli të realizonte me sukses provën e parë 152 kilogramë si dhe të dytën 154 kilogramë, duke qenë në garë për medaljen e artë me tajlandezin Jeram. Tajlandezi gaboi në provën e fundit, ndërsa Calja u tregua i saktë në peshën 156 kilogram dhe u shpall kampion bote.
Pasi mori të artën në shkëputje, peshëngritësi shqiptar u ngjit sërish në pedanë dhe ngriti fillimisht me sukses 182 kilogramë. Në provën e dytë ai ia doli të ngrinte 186 kg në tentativën e dytë. Ai u mundua të realizonte edhe provën 190 kg, por nuk ia doli me sukses.
Indoneziani Abdullau ngriti 192 kg në rovën e fundit dhe mori medaljen e artë si në silin e shtytjes ashtu edhe në dygarësh. Abdullau e mbylli me 343 kg dygarëshin, vetëm një kg më shumë se Calja.
