Vite më parë, Xhemi Shehu shkoi në Itali për të kërkuar suksesin atje.
Në vitet ‘2000, prezantuesja e “Portokallisë” sapo kishte rënë në sy me bukurinë e saj si velinë e programit “Fiks Fare”, duke u bërë më pas pjesë e disa spektakleve të “Top Channel”.
Por, ajo tentoi edhe televizionin italian, i cili asokohe në Shqipëri ishte shumë i ndjekur. Madje, Xhemi arriti të bëhej pjesë e versionit italian të spektaklit “Kutia e Fundit”.
Më pas, Xhemi u kthye dhe vijoi me prezantimin në Shqipëri.
Asokohe brune dhe me vetullat e holla siç ka qenë moda, Xhemi shkrepi edhe një foto me komedianin italian Luca Laurenti.
Siç duket, i preferuari i blogerit Olti Curri, pasi Xhemi Shehu vendosi t’ia servirte këtë foto në vend të ëmbëlsirës për ditëlindjen e tij.
“Edhe 100 zemra Olti Curri”, shkruan Xhemi, “Kemi 101 vite pa ngrënë ëmbëlsira bashkë, por edhe Laurenti mirë është.”
Në vitet ‘2000 Xhemi krijoi karrierën televizive me disa nga spektaklet më të ndjekura të “Top Channel”, nga “Kjo ishte loja” e më pas “Portokalli”.
