Në një kohë që të gjithë jemi bërë dëshmitarë të skandaleve të njëpasnjëshme të kompanive telefonike, një prej tyre, Vodafone Albania, po kthehet në një shqetësim të vazhdueshëm për qytetarët.
Këtë herë tema është kalimi i numrit celular në statusin pasiv në rastet kur nuk bëhet rimbursimi sipas kushteve të parashikuara prej saj(në rastin më të mirë) dhe abuzimet e pafundme, që nuk u përmbahen as rregullave të shkruara (në rastin më të keq).
I tillë është edhe një denoncim që ka ardhur nga një qytetar në njërin prej sondazheve që “iconstyle.al” ka realizuar.
Në mesazhet e qytetarit shihet se si ai është lajmëruar fillimisht në datë 19 shtator se nëse për 7 ditë nuk bën rimbushje atëherë numri i tij do kalojë në statusin pasiv.
Ndonëse qytetari ka aktivizuar paketën e Internetit siç mund ta shihni më poshtë në datën 24 shtator, Vodafone i ka dërguar më pas një mesazh më 27 shtator, duke e vënë në dijeni se numri i ka kaluar në statusin pasiv.
Por, çfarë parashikojnë rregullat e Vodafone?
Nëse do bazohemi të ajo që shkruhet te “Kushtet dhe afatet-Statusi i Kartës sime” vëmë re se aty parashikohet se afafatet e vlefshmërisë së rimbushjeve janë si më poshtë:
Në rastin konkret ndonëse është aktivizuar një paketë 300 lekëshe, validiteti i së cilës është 30 ditë, numri ka kaluar në statusin pasiv për 3 ditë. Konkretisht, ndonëse është bërë rimbushja më 24 shtator me 300 lekë, dhe numri duhet të ishte aktiv deri më 24 tetor, në fakt ka kaluar në statusin pasiv më 27 shtator.
Në mënyrë që numri të riaktivizohet do duhet që ta rimbushësh me të paktën 500 lekë të reja. Raste të tilla gjenden rëndomë nëpër media të ndryshme apo rrjetet sociale.
Një tjetër hile në ‘Statusin Pasiv”
Një tjetër rregull që parashikohet në “Kushtet dhe afatet-Statusi i Kartës sime” është edhe pika sipas së cilës:
Nëse në momentin që numri juaj kalon në statusin pasiv balanca e kreditit tuaj është më e madhe se zero, krediti i mbetur do të konfiskohet përgjithmonë dhe nuk do të mund të përdoret më. Në rast se ju kryeni një rimbushje gjatë statusit pasiv apo nëse një numër tjetër do t’ ju transferojë kredit, numri juaj do të kalojë në Statusin Aktiv.
Pra, ndonëse ju mund të keni në kartën tuaj të telefonit edhe 10,000 lekë, dhe e përdorni normalisht telefonin tuaj, por nuk bëni oferta ose rimbushje të vazhdueshme pa patur nevojë, karta do kalojë në statusin pasiv dhe e gjithë shuma e parave konfiskohet nga Vodafone, për arsye sigurisht të paqarta.
Nisur nga kjo mund të mendojmë se kalimi i kartës në statusin pasiv në afate kaq të çrregullta dhe duke mos iu përmbajtur rregullores së shkruar ndodh pikërisht për të përfituar nga qytetarët, shumën e parave që ndodhen në llogarinë e tyre.
Verbëria e papranueshme e Autoritetit të Konkurrencës dhe AKEP ndaj anomalive!
Në këtë rast bëhet e detyrueshme ndërhyrja e Autoritetit të Konkurrencës dhe AKEP, si dy institucionet përgjegjëse ndaj anomalive të tilla.
Mirëpo, në mënyrë të qartë dhe në shumicë institucionet rregullatore të tregjeve dhe Autoriteti i Konkurrencës, që lidhet drejtpërdrejtë me çështjen, dhe që paguhen nga taksapaguesit shqiptarë për të mbrojtur interesat publike, me veprimet dhe mosveprimet e tyre i shërbejnë interesave të tilla me shenja të qarta subjektivizmi dhe korrupsioni.
Vetëm pak ditë më pare iu bëmë me dije vendimin e paprecedentë të AK, që në gusht të këtij viti kishte mbyllur në heshtje hetimin për kompanitë telefonike lidhur me oligopolin e tyre në shkurt të 2020.
Autoriteti i Konkurrencës është mjaftuar vetëm me disa rekomandime për kompanitë celulare, pa marrë ndaj tyre asnjë vendim ndëshkues për vjedhjen e kryer haptazi. (KLIKO)
Përveç telekomunikacionit, Autoriteti i Konkurrencës ka zgjedhur mos të reagojë dhe t’i shërbejë interesave të kundërta nga ato që i parashikon ligji, që nga sektorët financiarë, të sigurimeve, bankarë, karburanteve, apo edhe testeve të Covid-19 (KLIKO), që “Iconstyle.al” i ka denoncuar prej muajsh.
Një sërë çështjesh janë në pritje të AK dhe enteve rregullatore
Mirëpo, teksa një hetim është mbyllur në kushte të dyshimta hetime të tjera duhet të kishin nisur tashmë.
Si një nga tregjet më abuzive në vendin tonë, ‘Iocnstyle.al’ prej kohësh po ndjek me shqetësim zhvillimet që ndodhin në sektorin e telekomunikacionit, ku kemi denoncuar disa nga shkeljet më flagrante.
Kështu, kur AK kërkon rritje te njësive të internetit, qyetarët ankohen çdo ditë se paketat e tyre më parë mbarohen se aktivizohen. Disa javë më parë pasqyruam denoncimet e qytetarëve që ankoheshin se si 6 GB mbarojnë brenda 30 minutave. (KLIKO)
Një problem jo më pak i rëndësishëm është edhe dështimi i mbulimit të territorit, kryesisht i zonave të largëta të vendit, ku kompanitë telefonike nuk kanë interesa të zhvillojnë infrastrukturën. (KLIKO)
Nga kjo e fundit, atyre ju lind nevoja që të aktivizojnë paketa Roaming ndonëse janë brenda vendit. Këto të fundit nga ana tjetër janë problem më vetë, pasi përveçse shiten me çmime shumë më të larta se vendet fqinje, apo seç është e përballueshme nga qytetarët shqiptarë, nuk funksionojnë.
Qytetarë të shumtë na kanë adresuar pafund shqetësime rreth faktit se kanë mbetur në baltë nëpër botë pikërisht prej këtyre paketave. (KLIKO)
Madje rasti më ekstrem është ai me Kosovën, që ndonëse pritet të hiqen fare tarifat Roaming, ato nuk funksionojnë. (KLIKO)
