Ndërsa markat shfrytëzojnë pushimet e fundvitit për marketingun e tyre, H&M publikoi fushatën e fundit për sezonin festiv me një film të shkurtër të drejtuar nga regjisori Wes Anderson.
Reklama e quajtur “Ejani bashkë” është rreth 4 minuta dhe në të luan aktori Adrien Brody, i cili ka marrë pjesë së fundmi në filmat e Anderson, “The Grand Budapest Hotel” dhe “The Darjeeling Limited”.
Në video, ai luan rolin e një makinisti që u jep lajmin pasagjerëve, se kushtet e papërshtatshme të motit kanë shtyrë arritjen e tyre me 11 orë dhe ata janë të detyruar t’i kalojnë Krishtlindjet në tren.
Me aftësitë impresionuese, ai realizon një ambient special për të festuar pushimet. Klipi përfshin ngjyrat pastel, interierët retro, të miksuar me koleksionin e dimrit të H&M, si xhaketat bomber, pulovrat dhe fundet me pala ngjyrë metalike.
Burimi: Harper’s Bazaar
